ხელისუფლება გორში სეტყვით დაზარალებულებს ვაუჩერებს, საირიგაციო გადასახადისგან გათავისუფლებას, აგროსესხების გადავადებასა და დონორული პროგრამების ამოქმედებას სთავაზობს

გორის მუნიციპალიტეტში სეტყვის შედეგად დაზარალებული სოფლების წარმომადგენლებსა და გარემოს დაცვისა და სოფლის მეურნეობის მინისტრს და შიდა ქართლის გუბერნატორს შორის შეხვედრა დასრულდა.

ხელისუფლების წარმომადგენლებმა დაზარალებულ მოსახლეობას დახმარების სახით 4 კომპონენტი შესთავაზეს: ვაუჩერების დარიგება, რომელზეც დაირიცხება თითოეულ ჰა. მიწის ნაკვეთზე 200 ლარი; მიმდინარე სეზონზე საირიგაციო გადასახადისგან (1 ჰა. ფართობი 75 ლ.) გათავისუფლება; საბანკო სექტორთან შუამდგომლობის საფუძველზე აგროსესხების გადავადება; დონორული პროგრამის ამოქმედება.

დაზარალებულთა ნაწილმა ხელისუფლების ამ შეთავაზებაზე უკმაყოფილება გამოთქვა და იმ 70 პროცენტიანი წილით დახმარება მოითხოვა, რომელიც დაზღვევით სარგებლობის შემთხვევაში, თანამონაწილეობის სახით, სახელმწიფოს უნდა გაეღო. შეხვედრაზე დაზარალებულებმა მიწების რეგისტრაციისა და აგროდაზღვევის სისტემის დახვეწის აუცილებლობის საკითხიც დააყენა.

,,ძალიან დიდია ზარალი და საკმაოდ დიდია მოსახლეობაში ემოციური ფონიც, აბსოლუტურად გვესმის მოსახლეობის პრობლემების, თუმცა, ჩვენც შეზღუდული ვართ გადაწყვეტილებებში, გარდა იმ შეთავაზებებისა, რაც დღეს შევძელით. იმედი გვაქვს, რომ გარკვეული პროექტების განხორციელება მოხდება, მათ შორის, იქნება დონორული მხარდაჭერა. ასევე, ამ ეტაპზე პრიორიტეტია მოსახლეობისთვის პირველადი საჭიროებების გადაწყვეტა, დაზიანებული ნარგავების გადარჩენა", - განაცხადა ლევან დავითაშვილმა.

„ დაპირებისამებრ შევხვდით მოსახლეობას და რამდენიმე კომპონენტი შევთავზეთ. თუმცა, ამის გარდა, დაწყებულია მსჯელობა დამატებით სხვა პროექტებზე, რომელთა განხორციელებაც კიდევ უფრო შეუმსუბუქებს მოსახლეობას სტიქიისგან მიყენებულ ზიანს", - განაცხადა შიდა ქართლის გუბერნატორმა გიორგი ხოჯევანიშვილმა.

გორის მუნიციპალიტეტის ტერიტორიაზე სეტყვამ 30-ზე მეტი სოფელი დააზარალა. ძირითადად, განადგურებულია კურკოვანი ხილი და ბოსტნეული კულტურები. დაზარალებულებმა გუშინ ზარალის ანაზღაურება მოითხოვეს და პროტესტის ნიშნად ავტობანის გადაკეტვა სცადეს.

იხილეთ ვიდეო: გორის რაიონში სეტყვის შედეგად დაზარალებულები მთავრობისგან შეღავათებს მიიღებენ

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს