შპს „ბათუმის წყალი“ ჩაქვის ტერიტორიაზე ძველი წყალმომარაგების ქსელს აუქმებს

შპს „ბათუმის წყალი“ ჩაქვში მოსახლეობისთვის წყალმომარაგების ახალ სისტემასთან დაკავშირებით ინფორმაციის მიწოდების მიზნით, ინდივიდუალურ შეხვედრებს იწყებს. როგორც „ინტერპრესნიუსს“ შპს „ბათუმის წყლიდან“ აცნობეს, მუნიციპალური ინფრასტრუქტურის რეაბილიტაციის პროექტის ფარგლებში, ჩაქვის ტერიტორიაზე წყალმომარაგების სისტემის შექმნისა და რეაბილიტაციის მიზნით მოეწყო წყლის ახალი მაგისტრალური და გამანაწილებელი ქსელი.

მათივე ცნობით, რეაბილიტაციის პროექტის ფარგლებშივე, ჩაქვის ტერიტორიაზე მიმდინარეობს წყლის ინდივიდუალური მრიცხველების მოწყობა, უკვე მოწყობილია 2000 მრიცხველი.

გამრიცხველიანების პროცესის დასრულების შემდეგ, მოხდება ძველი სისტემის გაუქმება სრულად და მოსახლეობას სასმელი წყალი ახალი წყალმომარაგების სისტემით მიეწოდება.

კომპანია მოსახლეობას მიმართავს და სთხოვს გაითვალისწინონ, რომ მიმდინარე წლის 1 ივნისიდან, 30 ივნისამდე, ეტაპობრივად მოხდება ძველი წყალმომარაგების სისტემის სრული დემონტაჟი, რის შედეგადაც გაუქმდება ე.წ. ძველი ქსელი.

„ბათუმის წყალში“ აცხადებენ, რომ წყალმომარაგების ახალ ქსელზე გაუმრიცხველიანებელი აბონენტებისთვის ავტომატურად მოხდება წყლის მიწოდების შეზღუდვა. თუ რომელიმე აბონენტის მისამართზე წყალმომარაგების ქსელი რეაბილიტირდა, თუმცა არ დამონტაჟებულა მრიცხველი, დაგვიკავშირდნენ ქოლ-ცენტრის ნომერზე (0422) 24 22 22

წყალმომარგების ახალი სისტემა მოსახლეობისთვის წყლის 24-საათიან უწყვეტ და სტაბილურ მიწოდებას უზრუნველყოფს“, - ნათქვამია გავრცელებულ ინფორმაციაში.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა