გორში მოკლული 9 წლის ნანიკო ბერიაშვილის სახელობის სკვერი გაკეთდება

გორში მოკლული 9 წლის ნანიკო ბერიაშვილის სახელობის სკვერი იმავე ქუჩაზე მოეწყობა, სადაც გოგონა ცხოვრობდა. სკვერის გაკეთება გარდაცვლილი გოგონას ოჯახის და გორის მუნიციპალიტეტის მერიის ერთობლივი ინიციატივით გადაწყდა. მერიის სივრცითი მოწყობისა და ინფრასტრუქტურის სამსახურში აცხადებენ, რომ გალუსტაშვილის ქუჩაზე სკვერის პროექტირება უკვე დასრულებულია. „ბუნებრივია, ნანიკოს სიკვდილით გამოწვეულ მწუხარებას ვერაფერი შეგვიმსუბუქებს, მაგრამ ძალიან სასიამოვნო ფაქტია, რომ მისი სახელობის სკვერი გაკეთდება ჩვენი სახლის პირდაპირ, იმ ადგილზე, სადაც ბავშვი ყოველდღიურად დადიოდა“, - განაცხადა ,,ინტერპრესნიუსთან“ მოკლული გოგონას პაპამ გოჩა ბერიაშვილმა.

9 წლის ნანიკო ბერიაშვილი 2018 წლის 25 ოქტომბერს, გორში, სკოლისკენ მიმავალი გზიდან გაუჩინარდა. გაუჩინარებიდან რამდენიმე საათში გოგონა გარდაცვლილი იპოვნეს. 26 ოქტომბერს, მოზარდის მკვლელობის ბრალდებით გორში მცხოვრები იაგო ნებიერიძე დააკავეს. რამდენიმე დღის წინ, თბილისის საქალაქო სასამართლოს სასამართლოს გადაწყვეტილებით, იაგო ნებიერიძე დამნაშავედ იქნა ცნობილი, როგორც დამამძიმებელ გარემოებაში განზრახ მკვლელობის, ასევე სექსუალური ხასიათის სხვაგვარი ქმედების ჩადენაში და უვადო თავისუფლების აღკვეთა შეეფარდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს