კანონის წინაშე ყველა პასუხს აგებს, - ამის შესახებ ბათუმის საკრებულოს თავმჯდომარე სულიკო თებიძემ ჟურნალისტებს განუცხადა და საკრებულოს დეპუტატ ომარ მახარაძის ირგვლივ განვითარებულ პროცესებს გამოეხმაურა.
სულიკო თებიძის განცხადენით, საკრებულოს ხვალინდელ სხდომაზე ომარ მახარაძისთვის უფლებამოსილების შეწყვეტის თაობაზე იმსჯელებენ.
„ომარ მახარაძე კეთილსინდისიერი და კარგი სპეციალისტი იყო. ფაქტი ვერც კი წარმოვიდგინე, მაგრამ ჩემი პირადი შეხედულებები მთავარი არ არის. გამოძიება მიმდინარეობს და კანონის წინაშე აგებს ყველა პასუხს. სასამართლოს გადაწყვეტილებას ველოდებით",- აცხადებს სულიკო თებიძე.
ბსუ-ს ყოფილი ლექტორი ომარ მახარაძე დღეს ბათიუმის პოლიციაში გამოკითხვაზე იმყოფებოდა, მას სტუდენტი სექსუალირ შევიწროებაში ადანაშაულებს.