ბათუმის ყოფილი მერი გიორგი ერმაკოვი ბრალს არ აღიარებს, - ეს განცხადება ადვოკატმა ჯემალ კიკნაძემ ჟურნალისტებთან საუბრისას გააკეთა. მისი განმარტებით, გიორგი ერმაკოვი მიიჩნევს, რომ უკანონოდ არის დაკავებული და "იაფი სახლის" პროექტის მშენებლობის დოკუმენტებთან წვდომა არ ჰქონია.
"ჯერ ბრალი არ არის წარდგენილი, მხოლოდ დაკავებაა. ის ამბობს, რომ უკანონოდ არის დაკავებული და მას არანაირი დანაშაული არ ჩაუდენია. ჩვენ შესაბამის მტკიცებულებებს სასამართლოს წარვუდგენთ და დადასტურდება მისი უდანაშუალება. კომპანია რამდენად იყო ყალბი დოკუმენტებით - გიორგის ერმაკოვისთვის არ იყო ცნობილი, ფაქტიურად მას ამ კომპანიის დოკუმენტებთან ხელი არ მიუწვდებოდა. ვინ იყო პასუხისმგებელი ჯერ ვერ მოგახსენებთ", - განაცხადა ჯემალ კიკნაძემ.