არჩილ ვანაძე და ბაგრატ ხალვაში ბრალს არ აღიარებენ",- ამის შესახებ ბათუმის დროებითი დაკავების იზოლატორთან ბრალდებულების ადვოკატმა რამინ პაპიძემ ჟურნალისტებს განუცხადა.

მისი განმარტებით, ბრალდებულებმა განუმარტეს, რომ 2015-16 წლებში ბათუმის მერიაში კონკრეტული ტენდერი, რომელიც "იაფი სახლის" მშენებლობას ითვალისწინებდა კანონის ფარგლებში შედგა. რაც შეეხება ბრალეულობას, დაკავებულები პასუხისმგებლობა კომპანიას აკისრებენ.

"აჭარის ფინანსთა და ეკონომიკის მინისტრის მოადგილე არჩილ ვანაძე და ბათუმის მერიის შესყიდვების სამსახურის უფროსი ბაგრატ ხალვაში ბრალს არ აღიარებენ. დოკუმენტებზე პასუხმგებელი ყველა იყო, თუმცა ამტკიცებენ, რომ ტენდერი კანონის შესაბამისად გამოცხადდა და ჩატარდა, დოკუმენტებიც შესაბამისად შემოწმდა. ისინი კომპანიის მხრიდან თაღლითობაზე საუბრობენ",- განაცხადა რამინ პაპიძემ.