რომან გოცირიძე - გამოსავალი მარტივია: ერთ-ერთ პიჯაკს, რომელიც უკვე ექსტრადირებულია, სასჯელად განუსაზღვრონ, რომ ნუკრი ქანთარიამ 6 თვე ატაროს
არც უკრაინა გადმოსცემს საქართველოს მიხეილ სააკაშვილს და არც ამათ უნდათ, რომ მიიღონ, -ამის შესახებ ჟურნალისტებს მიხეილ სააკაშვილის ექსტრადირების საკითხთან დაკავშირებით ფრაქცია "ნაციონალური მოძრაობის" თავმჯდომარემ რომან გოცირიძემ განუცხადა.
რომან გოცირიძემ პროკურატურას გარკვეული სახის რჩევაც მისცა.
"მიხეილ სააკაშვილის ექსტრადირებასთან დაკავშირებით მინდა, პროკურატურას ვურჩიო, ხომ იცით, რომ სასაცილოა ეს ფაქტი. არც უკრაინა გადმოსცემს საქართველოს მიხეილ სააკაშვილს არც ამათ უნდათ, რომ მიიღონ. ამიტომ, მარტივი გამოსავალი არის რომელიმე ერთ-ერთ პიჯაკს, რომელიც უკვე ექსტრადირებულია, მიუსაჯონ და სასჯელად განუსაზღვრონ, რომ ატაროს ნუკრი ქანთარიამ ექვსი თვე. ამით ეს პრობლემა გადაიჭრება", -განაცხადა რომან გოცირიძემ.
