1 ივნისი გორში გასართობი ღონისძიებებით აღინიშნება

გორში ბავშვთა დაცვის საერთაშორისო დღესთან დაკავშირებით, გართობისა და დასვენების პარკი „ახალბაღი“ სტუმრებს 11:00 საათიდან უმასპინძლებს,- ამის შესახებ „ინტერპრესნიუსს“ გორის მერიიდან აცნობეს.

მერიის ინფორმაციით, მთელი დღის განმავლობაში სტუმრების განწყობაზე იზრუნებენ ზღაპრის გმირები, რომლებიც პატარებს სურვილის შემთხვევაში სახესაც მოუხატავენ.

„დღის ბოლომდე გაიმართება კონცერტები საბავშვო ბაღების აღსაზრდელების, ადგილობრივი ინდივიდუალური შემსრულებლებისა და მუსიკალური ჯგუფების მონაწილეობით. მოეწყობა გამოფენები, საბავშვო ბაღების კუთხეები, გაიმართება სპორტული აქტივობები.

გარდა ამისა, ხვალ „ახალბაღში“ ბავშვებს თოჯინების თეატრის სპექტაკლების ნახვისა და ასფალტზე ხატვის აქტივობაში მონაწილეობის შესაძლებლობაც ექნებათ,“-აცხადებენ გორის მერიაში.

ცნობისთვის, გორის მერია 1 ივნისს დაგეგმილ ღონისძიებებს გორის მუნიციპალიტეტის ა(ა)იპების „კულტურისა და ტურიზმის განვითარების ხელშეწყობის სააგენტოსა“ და „სკოლამდელი აღზრდის სააგენტოს“, ასევე კეთილდღეობისა და განვითარების ცენტრის, საზოგადოება „ბილიკის“, სარეაბილიტაციო ცენტრ „იავნანასა“ და სკოლა „თამარიონის“ მხარდეჭირით მართავს.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში