არხილოსკალო-სამთაწყაროს საავტომობილო გზის მშენებლობა აქტიურ ფაზაშია. სარეაბილიტაციო სამუშაოები დედოფლისწყაროს მუნიციპალიტეტის მერმა ნიკოლოზ ჯანიაშვილმა მოადგილესთან, მალხაზ მერაბიშვილთან და მერიის ზედამხედველობის სამსახურის უფროსთან, კობა ქურციკიშვილთან ერთად დაათვალიერა.
ამის შესახებ ინფორმაციას დედოფლისწყაროს მუნიციპალიტეტი ავრცელებს.
მისივე ცნობით, პროექტის ფარგლებში არხილოსკალო-სამთაწყაროს დამაკავშირებელი საავტომობილო გზის მონაკვეთზე ასფალტის საფარის დაგება და სანიაღვრე სისტემის მოწყობა მიმდინარეობს.