რაჭის ტყეში უკვე მეექვსე დღეა მაშველები და პოლიცია ახალგაზრდა მამაკაცს ეძებენ. მამაკაცი ტყეში სანადიროდ მარტო იყო წასული. არსებული ინფორმაციით, ტყეში ნაპოვნია მისი ნივთები.

როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 115-ე მუხლითაა დაწყებული, რაც თვითმკვლელობამდე მიყვანას გულისხმობს.

ამ დროისთვის ტყეში სამძებრო სამუშაოებს საგანგებო სიტუაციების მართვის სამსახურის მაშველები და პოლიცია ერთობლივად ატარებენ.