პარლამენტში ბავშვთა დაცვის საერთაშორისო დღე აღინიშნა

საქართველოს პარლამენტმა, ბავშვთა დაცვის საერთაშორისო დღესთან დაკავშირებით, პარლამენტის წევრებისა და აპარატის თანამშრომლების შვილებს უმასპინძლა. ამის შესახებ „ინტერპრესნიუსს“ პარლამენტიდან აცნობეს.

მათი ინფორმაციით, ღონისძიების მონაწილეებს მიესალმა და პატარებს ბავშვთა დაცვის საერთაშორისო დღე მიულოცა პარლამენტის თავმჯდომარე ირაკლი კობახიძემ.

„გილოცავთ დღევანდელ დღეს. თქვენ ხართ ჩვენი საზოგადოების ყველაზე ლამაზი, ყველაზე ჭკვიანი და ყველაზე სუფთა ნაწილი და გვსურს, ძალიან დიდი სიყვარულით მოგესალმოთ და მოგილოცოთ დღევანდელი დღე. მინდა გისურვოთ ძალიან დიდი წარმატებები ცხოვრებაში და ძალიან დიდი ბედნიერება“, - მიმართა კობახიძემ პატარებს.

„პატარებისათვის საქართველოს პარლამენტის ეზოში გასართობი ღონისძიებები გაიმართა. პარალელურად, ბავშვებს საშუალება ჰქონდათ, პარლამენტის ეზოში სპეციალურად გამოყოფილი სივრცე გუაშით მოეხატათ. ნახატები პარლამენტის სხვადასხვა კომიტეტის მიერ შემუშავებული სლოგანების მიხედვით შესრულდა, კერძოდ: „უკეთესი მომავლისათვის“, „დამიცავი დღეს“, „გაამწვანე გარემო“, „ცოდნას მივყავართ თავისუფლებისაკენ“, „ჯანმრთელობა კეთილდღეობის საწინდარია“ და სხვა.

ბავშვებისათვის თეატრალურმა დასმა „მეორე სახლი - 2“ სპექტაკლი- “წუნა და წრუწუნა“ წარმოადგინა”, - აღნიშნულია ინფორმაციაში.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში