ორგანიზატორმა განმარტა, თუ რატომ მონაწილეობდნენ ზუგდიდში გამართულ საპროტესტო აქციაში ბავშვები
ზუგდიდში, სამხარეო ადმინისტრაციის შენობის წინ ორგანიზაციის „ერთად სახლში“ წარმომადგენლებმა აქცია გამართეს. აქციის ორგანიზატორის ლექსო აკობიას თქმით, ისინი ქვეყანაში დღეს არსებულ ვითარებას აპროტესტებენ.
გარდა ამისა, აკობიას განცხადებით, სურთ მთავრობას ხმა მიაწვდინონ, რომ რუსეთი ოკუპანტია. აქციაში ბავშვებიც მონაწილეობდნენ, რომლებსაც ხელში ეჭირათ ტრანსპარანტები.
„აქციას ატარებს „ერთად სახლში - საქართველო“, ვაპროტესტებთ დღევანდელ ვითარებას და გვინდა რომ ხელისუფლებას მივაწვდინოთ ხმა. რუსეთი არის ოკუპანტი, გვინდა მივაწვდინოთ ხმა, რომ დღეს 70 000 ბავშვი შიმშილობს და არა რუსეთს“, - აღნიშნა აკობიამ.
რაც შეეხება აქციაში ბავშვების მონაწილეობას, ორგანიზატორის განმარტებით, ისინი აქ საკუთარი ნებით არიან და ეს მათ მშობლებთან შეთანხმებულია.
This is a modal window.
v-if="article.gallery" v-html="article.gallery"
