ნინო ბურჯანაძის განცხადებით,  ხელისუფლებაზე "ზეწოლა უნდა გაგრძელდეს", რომ სამართლიანი არჩევნები ჩაატაროს

ჩვენ დარწმუნებული ვართ, რომ სამართლიან ბრძოლაში ჩვენი პარტია აუცილებლად გაიმარჯვებს, რადგან ბრძოლაში - უსამართლოშიც და განსაკუთრებით სამართლიანში, ჩვენ ძლიერები ვართ. აუცილებლად ძალიან სერიოზულ შედეგს დავდებთ,-ამის შესახებ პარტია "დემოკრატიულო მოძრაობის" თავმჯდომარემ ნინო ბურჯანაძემ ჟურნალისტებს პარტიის ყრილობის დასრულების შემდეგ განუცხადა.

ნინო ბურჯანაძის თქმით, მათი ამოცანაა საქართველოს ერთიანობა, სუვერენული სახელმწიფო, სადაც საზღვრები და ადამიანები არიან დაცული, რასაც ახალი, ეროვნული ხელისუფლება სჭირდება.

"ამ ყრილობამ კიდევ ერთხელ აჩვენა, რომ ეს არის პარტია, რომელსაც უბრალოდ ვერ "გაკრიფავენ". ეს არის პარტია, რომელსაც ჰყავს მებრძოლი ადამიანები, რომლებიც არ იყიდებიან და იციან, რომ ქვეყანა სტატუსკვოდან, სტაგნაციიდან და ჭაობიდან, რომელშიც დღეს არის, აუცილებლად უნდა გამოვიდეს და ეს არის ქვეყნისთვის აუცილებელი. 2020 წლის ან უფრო ადრინდელი არჩევნებისთვის ჩვენ მზადება უკვე დავიწყეთ. ნამდვილად ვერავინ შეგვაჩერებს, რადგან ვიცით, რომ სამართლიანი და სწორია ჩვენი ბრძოლა. რაც შეეხება გაერთიანების მოწოდებას ოპოზიციისთვის, ეს ეხება მხოლოდ საარჩევნო გარემოს და არც ერთ სხვა საკითხს. აქ საუბარია, იმაზე, , რომ ყველა პოლიტიკურმა პარტიამ იბრძოლოს იმისთვის, რომ არჩევნები ჩატარდეს თავისუფლად, სამართლიანად და ვაიძულოთ ხელისუფლება, რომ ქართველ ხალხს არჩევანი არ წააართვას. მე იმედი მაქვს, რომ ოპოზიცია ამ მთავარი მოთხოვნის ირგვლივ ნამდვილად შეძლებს საერთო ენის გამონახვას, ხოლო მერე თითოეული პარტია, ბუნებრივია, ეცდება, რომ მოიკრიბოს რაც შეიძლება მეტი მხარდამჭერი", - განაცხადა ბურჯანაძემ.

მისივე თქმით, კონსულტაციები უკვე დაწყებულია და უკვე შეგროვებულია 300 ათასი ხელმოწერა 2020 წლის არჩევნების პროპორციული წესით ჩატარების მოთხოვნით. ბურჯანაძის განმარტებით ხელისუფლებაზე "ზეწოლა უნდა გაგრძელდეს", რომ სამართლიანი არჩევნები ჩაატაროს.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო