სიღნაღის სამუსიკო სკოლების პედაგოგები სახელფასო დავალიანების ანაზღაურებას ითხოვენ. 5 სკოლის თანამშრომლები დღეს სიღნაღის მერიასთან შეიკრიბნენ.
პედაგოგების განმარტებით, მერმა გოგი გოგილაშვილმა სამივლინებო თანხა 20 ათასი ლარით გაზარდა, მაშინ როდესაც მათ ერთი თვის სახელფასო დავალიანება ასანაზღაურებელი აქვთ.
მოთხოვნებს უპასუხეს სიღნაღის მერიაში. მერის, გოგი გოგილაშვილის თქმით, პრობლემის მოგვარებაზე აქტიურად მუშაობენ.