ხელვაჩაურში, სოფელ სალიბაურის მოსახლეობამ წყლის  მიწოდების მოთხოვნით სოფელთან მისასვლელი გზა გადაკეტა

ხელვაჩაურში, სოფელ სალიბაურში მცხოვრებლები წყლის მიწოდებას ითხოვენ. მათ პროტესტის ნიშნად სოფელთან მისასვლელი გზა გადაკეტეს. სოფლის მცხოვრებლები აცხადებენ, რომ წყალი ერთი თვეა არ მიეწოდებათ.

„სოფელში ერთი თვეა წყალი არ მოდის, დასალევი წყალს მეზობელი სოფლებიდან ვეზიდებით, ან ქალაქში ჩავდივართ და ვყიდულობთ", - განაცხადა სოფელ სალიბაურში მცხოვრებმა მადონა რიჟვაძემ.

აქციაზე „ერთიანი ნაციონალური მოძრაობის" წევრებიც იმყოფებიან. მათი განცხადებით, გასულ წელს ხელვაჩაურში წყლის სისტემის მოსაწესრიგებლად 5 მილიონი დაიხარჯა, თუმცა, წყლის პრობლემა ისევ დგას.

ადგილზე სოფლის გამგებელი გელა ცინცქილაძე მივიდა. როგორც გელა ცინცქილაძემ ჟურნალისტებს განუცხადა, სოფელს სასმელი წყალი გრაფიკით მიეწოდება. მისი თქმით, ცენტრალურ რეზერვუარში წყლის მარაგი არ არის და ბათუმის წყალზე უნდა მოხდეს დაერთება. მისი თქმით, ბათუმის წყალზე დაერთებას ცენტრალური მთავრობიდან ნებართვა სჭირდება.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)