ქუთაისის მერიის წინ საპროტესტო აქცია - „ნანა წადი“ - გაიმართა. სამოქალაქო აქტივისტები, არასამთავრობო ორგანიზაციების წარმომადგენლები და პოლიტიკოსები მოითხოვენ, რომ საკრებულოს დეპუტატმა ნანა კოსტავამ უარი თქვას დეპუტატის მანდატზე.

აქციის მონაწილეების თქმით, უკეთესი იქნებოდა კოსტავას საკრებულო თავად დაეტოვებინა. აქციის ორგანიზატორებმა საკრებულოს რიგგარეშე სხდომის მოწვევაც მოითხოვეს, სადაც თავიანთი აზრის დაფიქსირების შესაძლებლობა ექნებათ. აქციის მონაწილეები რიგგარეშე სხდომის მოწვევის მიზნით თავმჯდომარის სახელზე განცხადებასაც დაარეგისტრირებენ.

დეპუტატმა ნანა კოსტავამ საკრებულოს დატოვებაზე უარი თქვა.