აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე ხულოს მუნიციპალიტეტში, სოფელ ღორჯომში რამაზან ბაირამის ლოცვას დაესწრო და მორწმუნეებს საღვთო დღესასწაული მიულოცა. ამის შესახებ ინფორმაციას აჭარის ავტონომიური რესპუბლიკის უმაღლესი საბჭო ავრცელებს.
მაღალმთიანი სოფლის, ჯამეში შეკრებილებს დღესასწაული საქართველოს პარლამენტის წევრმა ანზორ ბოლქვაძემ და ხულოს მუნიციპალიტეტის ახლად არჩეულმა მერმა - ვახტანგ ბერიძემ მიულოცეს.
რამაზან ბაირამი მუსლიმური კალენდრის მიხედვით, მეცხრე თვეა და, როგორც წესი, 30-დღიანი მარხვის დასრულების შემდეგ აღინიშნება. ამ დღეს მორწმუნეები ეხმარებიან შეჭირვებულებს, საფლავებზე გადიან და ტკბილეული გააქვთ.