აჭარის უმაღლეს საბჭოში მიმდინარე რიგგარეშე სესიაზე  ხმაური იყო

აჭარის უმაღლეს საბჭოში მიმდინარე რიგგარეშე სესიაზე ხმაური იყო, რომელიც საკანონმდებლო ორგანოს დერეფანშიც გაგრძელდა. „ერთიანი ნაციონალური მოძრაობის" წევრებმა მმართველი გუნდი ნეპოტიზმში დაადანაშაულეს და მაგალითად ქობულეთის სანდასუფთავების სამსახურში არსებული სიტუაცია მოიყვანეს.

„ერთიანი ნაციონალური მოძრაობის" წევრები აცხადებენ, რომ აჭარის მუნიციპალიტეტის შპს-ებსა და ა(ა)იპ-ებში „ქართული ოცნების" აქტივისტები ფიქტიურად მუშაობენ და ისინი ბიუჯეტიდან ხელფასებს იღებენ. მათი თქმით, აჭარაში მაღალი თანამდებობის პირები ნათესავებს საჯარო სამსახურებში ასაქმებენ.

აჭარის უმაღლეს საბჭოში მმართველი გუნდის წევრებმა "ერთიანი ნაციონალური მოძრაობის" დეპუტატებს ლევან ვარშალომიძის მმართველობის პერიოდი შეახსენეს და განუცხადეს, რომ ნეპოტიზმი რეგიონში სწორედ მაშინ ფიქსირდებოდა.

დღევანდელ სხდომაზე დეპუტატებმა აჭარის უმაღლესი საბჭოს ადგილმონაცვლეობაზეც ისაუბრეს... მმართველ გუნდს მიაჩნია, რომ რეგიონის საკანონმდებლო ორგანო დაბა ჩაქვიდან ბათუმში უნდა გადავიდეს, რაც ოპოზიციამ გააპროტესტა და განაცხადა, რომ აჭარის უმაღლესი საბჭოს ადგილმონაცვლეობა ბიუჯეტში ხარჯებს გაზრდის და არამიზნობრივად დაიხარჯება.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა