დედოფლისწყაროს მუნიციპალიტეტის მერმა ნიკოლოზ ჯანიაშვილმა მოადგილესთან, დავით ფხოველიშვილთან ერთად დედოფლისწყაროში მიმდინარე ინფრასტრუქტურული პროექტი დაათვალიერა. როგორც „ინტერპრესნიუსს“ დედოფლისწყაროს მუნიციპალიტეტის მერიის პრესსამსახურიდან აცნობეს, პროექტის ფარგლებში, ბარათაშვილის ქუჩაზე 2 სპორტული მოედანი და 1 დასასვენებელი პარკი კეთდება. აღნიშნულ სკვერში მოეწყობა საბავშვო ატრაქციონებიც.
ნიკოლოზ ჯანიაშვილის განცხადებით, ადგილობრივი ხელისუფლების ერთ-ერთ უმთავრეს პრიორიტეტს მომავალ თაობაზე ზრუნვა წარმოადგენს და აღნიშნული პროექტიც სწორედ ამ მიზანს ემსახურება.