World Travel Awards-ზე ბათუმის დაჯილდოების საკითხი დღეს გაირკვევა

დღეს გაირკვევა შეძლებს თუ არა ბათუმი ევროპის მზარდი ტურისტული მიმართულების ტიტულის მოპოვებას. პორტუგალიაში, ტურიზმის ერთ-ერთ ყველაზე ავტორიტეტული „World Travel Awards“-ის დაჯილდოებაზე ბათუმი პირველად არის წარდგენილი. ამის შესახებ „ინტერპრესნიუსს“ აჭარის მთავრობიდან აცნობეს.

მათი ინფორმაციით, ღონისძიებაზე დასასწრებად აჭარის მთავრობის თავმჯდომარე მთავრობის დელეგაციის წევრებთან ერთად პორტუგალიაში იმყოფება. თორნიკე რიჟვაძის განცხადებით, აღნიშნული ჯილდოს მოპოვება გაზრდის ტურისტების რაოდენობას რეგიონში და ქალაქის ცნობადობას ახალ მასშტაბებს შესძენს.

,,გვაქვს პოზიტიური მოლოდინი, რომ ბათუმი შეძლებს, მოიპოვოს ევროპის სწრაფად მზარდი ტურისტული მიმართულების ტიტული. დაჯილდოვებას უამრავი წამყვანი მედიასაშუალების ჟურნალისტი ესწრება, რაც ნიშნავს, რომ ჩვენი ქალაქი მსოფლიო მასშტაბით ასეულობით რეიტინგული ტელევიზიის ფოკუსში მოექცევა. ეს იქნება პირველ რიგში, ჩვენი ქალაქის, რეგიონისა და ქვეყნის წარმატება მსოფლიო მასშტაბით“, - განაცხადა მთავრობის თავმჯდომარემ.

„World Travel Awards“-ის დაჯილდოების ცერემონია პორტუგალიაში, კუნძულ მადეირაზე საქართველოს დროით 23:00 საათზე დაიწყება. მას მსოფლიოს სხვადასხვა ქვეყნიდან ტურიზმის ინდუსტრიის წამყვანი ტურისტული კომპანიებისა და ტურიზმის ინდუსტრიაში ჩართული ბიზნეს და სახელმწიფო ორგანიზაციების წარმომადგენლები დაესწრებიან.

World Travel Awards»-ის ღონისძიება 1993 წლიდან ტარდება. დაჯილდოებაზე ასობით ნომინაცია და ათასობით ნომინანტი კონტინენტებისა და ქვეყნების მიხედვით სხვადასხვა კატეგორიებშია გადანაწილებული. მათ შორისაა წამყვანი სასტუმროები, ტურისტული სააგენტოები, ტურისტული ატრაქციები, მიმართულებები, ტუროპერატორები, ასევე საზღვაო, საგზაო, საჰაერო ტრანსპორტის კომპანიები და ა.შ.

ბათუმისთვის ხმის მიცემა ნებისმიერ მსურველს 28 აპრილის ჩათვლით ღონისძიების ოფიციალურ საიტზე შეეძლო“, - აღნიშნულია აჭარის მთავრობის მიერ გავრცელებულ ინფორმაციაში.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!