რუსთავის მერმა „მარდალეიშვილის სამედიცინო ცენტრ-რუსთავში” მიმდინარე სარეაბილიტაციო სამუშაოები დაათვალიერა

რუსთავის მერმა ირაკლი ტაბაღუამ, მოადგილე ბესიკ ტოგონიძესთან ერთად, ,,მარდალეიშვილის სამედიცინო ცენტრ -რუსთავში” მიმდინარე სარეაბილიტაციო სამუშაოები დაათვალიერა. ამის შესახებ „ინტერპრესნიუსს“ რუსთავის მერიიდან აცნობეს.

მათი ინფორმაციით, სამედიცინო ცენტრის რეაბილიტაციაში, 3 მილიონ ლარამდე ინვესტიცია უკვე განხორციელდა.

„ივნისის ბოლოს, ცენტრში, ღეროვანი უჯრედების, გენეტიკური და მორფოლოგიური ლაბორატორიები გაიხსნება, სექტემბრიდან კი მულტიფუნქციური სტაციონარი, სადაც თანამედროვე სამედიცინო ტექნიკით აღჭურვილი რეანიმაციული, ქირურგიული, თერაპიული, კარდეოლოგიურ-ინტერვენციული და სხვა განყოფილებები იმუშავებს.

,,მარდალეიშვილის სამედიცინო ცენტრი-რუსთავი“ არა მხოლოდ ქვემო ქართლის, არამედ ამიერკავკასიის მასშტაბით ერთ-ერთი უმნიშვნელოვანესი სამედიცინო დაწესებულება გახდება. მიმდინარე სარემონტო სამუშაოების გამო, სამედიცინო ცენტრში დროებით შეჩერებულია პაციენტების სტაციონარული მომსახურება, მაგრამ ამბულატორია ამჟამადაც სრული დატვირთვით მუშაობს.

ცენტრის რეაბილიტაციის დასრულების შემდეგ, სტაციონარის თანამშრომლები, ჩვეულებრივ რეჟიმში გააგრძელებენ მუშაობას”, - აღნიშნულია რუსთავის მერიის მიერ გავრცელებულ ინფორმაციაში.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში