მაინის ფრანკფურტის გოეთეს სახელობის უნივერსიტეტში შოთა რუსთაველის კაბინეტი გახსნეს

7 ივნისს, გერმანიაში, მაინის ფრანკფურტის გოეთეს სახელობის უნივერსიტეტში, რუსთაველის ფონდის გენერალურმა დირექტორმა, პროფესორმა ზვიად გაბისონიამ, ფრანკფურტის გოეთეს უნივერსიტეტის ვიცე-რექტორმა, საერთაშორისო ურთიერთობებში პროფესორმა როლფ ვან დიკმა, ფრანკფურტში საქართველოს გენერალურმა კონსულმა ლევან დიასამიძემ და და პროფესორმა მანანა თანდაშვილმა ენათმეცნიერებისა და კულტუროლოგიის ფაკულტეტზე შოთა რუსთაველის კაბინეტი გახსნეს.

იდეის ავტორმა, ცნობილმა გერმანელმა ქართველოლოგმა, ემპირიული ენათმეცნიერების ინსტიტუტის მმართველმა დირექტორმა, პროფესორმა იოსტ გიპპერტმა წარმოადგინა უნიკალური პროექტი „რუსთაველის გაციფრულება სხვადასხვა ენაზე“, რომლის მიზანია ქართული კულტურისა და ლიტერატურის პოპულარიზაცია.

გახსნის საზეიმო ცერემონიას ესწრებოდნენ საქართველოს ფრანკფურტში მოღვაწე და სხვა უცხოელი ქართველოლოგები.

„ზვიად გაბისონიამ და როლფ ვან დიკმა ისაუბრეს რუსთაველის ფონდსა და ფრანკფურტის გოეთეს უნივერსიტეტს შორის თანამშრომლობის გაღრმავებასა და ერთობლივი კვლევითი პროექტების განხორციელების პერსპექტივებზე“, - აღნიშნულია რუსთაველის ფონდის მიერ გავრცელებულ ინფორმაციაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში