ფოთში ახალგაზრდა ქალის დაჭრის ფაქტზე სამართალდამცველებმა 1957 წელს დაბადებული მამაკაცი დააკავეს.

როგორც "ინტერპრესნიუსს“ შსს-ში განუცხადეს, სამეგრელო-ზემო სვანეთის პოლიციის დეპარტამენტის თანამშრომლებმა დანაშაულში ბრალდებული ვ.ხ. მომხდარიდან რამდენიმე წუთში დააკავეს.

"დაჭრილი ქალის სიცოცხლეს საფრთხე არ ემუქრება. გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს. დანაშაული 3-დან 6 წლამდე ვადით თავისუფლების აღკვეთას ითვალისწინებს“, - განაცხადეს შსს-ში.