მესტიაში მდინარიდან იმ მანქანის ამოყვანის სამუშაოები განახლდა, რომლითაც ორი ახალგაზრდა ხიდიდან გადავარდა
მესტიაში მდებარე ბეჩო ჭალაში იმ მანქანის ამოყვანის სამუშაოები მიმდინარეობს, რომლითაც 7 ივნისს, ორი ახალგაზრდა ხიდიდან გადავარდა.
როგორც "ინტერპრესნიუსს" მესტიის მერმა კაპიტონ ჟორჟოლიანმა განუცხადა, ამ წუთებში ტექნიკა მდინარისთვის კალაპოტის შეცვლაზე მუშაობს, რათა ავტომობილის ამოყვანა შესაძლებელი გახდეს.
ორი ახალგაზრდის სამძებრო სამუშაოები დღეს გამთენიისას განახლდა. ღონისძიებებში ჩართულია სამაშველო სამსახურების დამატებითი ჯგუფები.
ბეჩოს ხიდთან, სავარაუდოდ, დიდი სიჩქარით მიმავალი ავტომანქანა მდინარეში 7 ივნისს, ღამით გადავარდა.
