რამაზ საყვარელიძე - ვნახოთ, ოქრუაშვილი როგორი პლატფორმით შემოდის - მის რეიტინგს აღმასვლა „ნაციონალებთან“ მჭიდრო ურთიერთობის გამო გაუჭირდება

ვნახოთ, ოქრუაშვილი როგორი პლატფორმით შემოდის, მაგრამ მას აქვს ერთი მომენტი, რის გამოც მის რეიტინგს აღმასვლა გაუჭირდება და ეს არის „ნაციონალებთან“ მჭიდრო ურთიერთობა,- ამის შესახებ ექსპერტმა რამაზ საყვარელიძემ, თავდაცვის ყოფილი მინისტრის ირაკლი ოქრუაშვილის მიერ ახალი პოლიტიკური მოძრაობის დაანონსების შესახებ საუბრისას განაცხადა.

როგორც „ინტერპრესნიუსთან“ საუბარში საყვარელიძემ განაცხადა, მესამე ძალაზე საკმაოდ დიდი კონკურსია, თუმცა მოსახელობისთვის გადამწყვეტია, როგორი იქნება ეს მესამე ძალა.

„მესამე ძალაზე ისეთი კონკურსია, უმაღლესი სასწავლებლის გამოცდებს შეშურდება. ყველა კონკურსანტს ელოდება სერიოზული გამოცდა სწორედ იმ მხრივ, რომ მათ კარგად გაითავისონ მოსახლეობის განწყობილებები. მოსახლეობას მესამე ძალა უნდა, ოღონდ ეს მესამე როგორი იქნება სწორედ ამას აქვს მნიშვნელობა. ახლაც უამრავი პარტიია, მაგრამ რეიტინგი არ აქვთ. ყველა პარტიას მოუწევს სწავლა, რომ არ გაიმეორონ ის შეცდომები, რაც ურეიტინგო პარტიებს აქვთ. არ ვიცი, ოქრუაშვილი როგორი პლატფორმით შემოდის, მაგრამ მას აქვს ერთი მომენტი, რის გამოც მის რეიტინგს აღმასვლა გაუჭირდება და ეს არის „ნაციონალებთან“ მჭიდრო ურთიერთობა. მთაწმინდის არჩევნებმაც გვიჩვენა, რომ „ნაციონალურ მოძრაობასთან“ აფილირებული, ამ შემთხვევაში „ევროპული საქართველოც“ კი, დაბლა წევს კანდიდატის რეიტინგს. ჯერჯერობით ეს სირთულე არსებობს ოქრუაშვილთანაც“,- განაცხადა საყვარელიძემ.

თავდაცვის ყოფილი მინისტრი ირაკლი ოქრუაშვილი ახალ პოლიტიკურ მოძრაობას აფუძნებს. ოქრუაშვილი თანამოაზრეებთან ერთად, რომელთა ვინაობაც ჯერ უცნობია, საკუთარ გეგმებს საზოგადოებას ხვალ გააცნობს.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება