ზუგდიდის მუნიციპალიტეტში „ერთი თბილი ოთახის“ პროგრამა მიმდინარე წელსაც გრძელდება

ზუგდიდის მუნიციპალიტეტში მიმდინარე წელსაც გრძელდება მძიმე საყოფაცხოვრებო პირობების მქონე ოჯახებისთვის საცხოვრებელი სახლების მშენებლობისა და ,,ერთი თბილი ოთახის“ პროგრამა.

ზუგდიდის მუნიციპალიტეტის ინფორმაციით, მერიაში ჯამში 243 განცხადება შევიდა, მათგან 141 საცხოვრებელი სახლების მშენებლობას, ხოლო 102 განცხადება ,,ერთი თბილი ოთახის“ პროგრამაში ჩართვას შეეხება.

მათივე ცნობით, მერიის უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის მიზნით შექმნილი კომისიის წევრები განცხადებებს ადგილზე ამოწმებენ. ამ ეტაპზე, კომისიის წევრებმა შემოსული განცხადებები ქალაქის ტერიტორიაზე, ოდიშისა და ენგურის ადმინისტრაციულ ერთეულებში გადაამოწმეს.

კომისიის შემადგენლობაში მერიის, საკრებულოსა და არასამთავრობო სექტორის წარმომადგენლები არიან.

2019 წელს სახლების მშენებლობისა და ,,ერთი თბილი ოთახის“ პროგრამისთვის 700 000 ლარია გამოყოფილი, აქედან 100 000 ლარი „ერთი თბილი ოთახის“ პროექტისთვისაა გათვალისწინებული.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს