თორნიკე რიჟვაძე მადეირას ავტონომიური რეგიონის მთავრობის პრეზიდენტს მიგელ ალბუკერკეს და ვიცე პრეზიდენტს პედრო ქალადოსს შეხვდა

პორტუგალიაში ოფიციალური ვიზიტის ფარგლებში, აჭარის მთავრობის თავმჯდომარე თორნიკე რიჟვაძე მადეირას ავტონომიური რეგიონის მთავრობის პრეზიდენტს მიგელ ალბუკერკეს და ვიცე პრეზიდენტს პედრო ქალადოსს შეხვდა.

აჭარის მთავრობის ინფორმაციით, შეხვედრაზე ისაუბრეს ორი ქვეყნის მეგობრულ ურთიერთობებზე და რეგიონალურ დონეზე წარმატებული თანამშრომლობის პერსპექტივებზე. საუბარი შეეხო თანამშრომლობის გაღრმავებას სავაჭრო-ეკონომიკური და კულტურული მიმართულებით.

მათივე ცნობით, მნიშვნელოვანია, რომ არსებობს შეთანხმება საქართველოსა და პორტუგალიას შორის ტურიზმის სფეროში თანამშრომლობის შესახებ. პორტუგალია მზად არის საქართველოს გაუზიაროს საკუთარი გამოცდილება ამ მიმართულებით. მიმდინარე წელს პორტუგალიელ ვიზიტორთა რიცხვი ქვეყანაში 35 % -ით გაიზარდა.

აღსანიშნავია, რომ ვიზიტის ფარგლებში თორნიკე რიჟვაძემ უკვე გამართა შეხვედრა მადეირას ავტონომიური რეგიონის პარლამენტის თავმჯდომარეს ჯონ ლინო თრაქუადა გომესთან, სადაც მთავრობის თავმჯდომარემ აღნიშნა, რომ მსგავსი შეხვედრები ხელს შეუწყობს სავაჭრო-ეკონომიკური კავშირების განვითარებას და ქვეყნის ცნობადობის გაზრდას საერთაშორისო ასპარეზზე.

აქტიურად მიმდინარეობს მოლაპარაკებები 2021 წლის World Travel Award-ის დაჯილდოების ცერემონიალის ბათუმში ჩატარების შესახებ.

შეხვედრას აჭარის უმაღლესი საბჭოს თავმჯდომარე დავით გაბაიძე ესწრებოდა.

აჭარის მთავრობის ოფიციალური ვიზიტი მადეირას რეგიონში დაკავშირებულია ტურიზმის დაჯილდოების ცერემონიასთან, სადაც ბათუმმა ევროპის მზარდი ტურისტული მიმართულების ჯილდო მოიპოვა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)