ანრი ოხანაშვილი - მართლმსაჯულების რეფორმის მეოთხე ტალღის საკითხებთან დაკავშირებით შეხვედრას შეგვიძლია ნაყოფიერი ვუწოდოთ

მართლმსაჯულების რეფორმის მეოთხე ტალღის საკითხებთან დაკავშირებით შეხვედრას შეგვიძლია ნაყოფიერი ვუწოდოთ, რადგან ფაქტობრივად, მივაღწიეთ კონსენსუსს, როგორც იუსტიციის უმაღლეს სკოლასთან დაკავშირებით, ასევე მოსამართლეთა დისციპლინური სამართალწარმოების საკითხებზე, - ამის შესახებ იურიდიულ საკითხთა კომიტეტის თავმჯდომარემ, ანრი ოხანაშვილმა ჟურნალისტებს განუცხადა.

მისი თქმით, ყველა პრინციპულ საკითხზე კონსენსუსი მიღწეულია, თუმცა არის რამდენიმე საკითხი, რომელიც უკავშირდება იუსტიციის უმაღლეს საბჭოში გარკვეულ საკითხებს და ამის თაობაზეც დღეს პოზიციები შეჯერდება.

„დისციპლინურ სამართალწარმოების საკითხებზე როდესაც ვსაუბრობთ, საუბარია იმაზე, რომ ყველა კონკრეტული საფუძვლები, რაც კი შეიძლება გახდეს დისციპლინური სამართალწარმოების მიზეზი, ისე დეტალურად და სრულყოფილადაა გაწერილი, რომ არ მოხდეს მისი ბოროტად გამოყენება, როგორც ამას 2012 წლამდე ჰქონდა ადგილი. შესაბამისად, მაგალითისთვის შემიძლია გითხრათ, რომ ყველა კრიტერიუმი ობიექტურადაა გაწერილი, სწორად ჩამოყალიბებული, საერთაშორისო პარტნიორების რეკომენდაციებზე დაფუძნებული და შესაბამისად, ამ საკითხზე არის კონსენსუსი", - განაცხადა ოხანაშვილმა.

კითხვაზე, ბრიტანეთის ელჩი ესწრება თუ არა დღევანდელ შეხვედრას, ვინაიდან არაოფიციალური ინფორმაციით ის პროცესს გაეთიშა, ანრი ოხანაშვილი პასუხობს, რომ ამის შესახებ პირველად ესმის და ეს ინფორმაცია არ აქვს.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 20.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება