სოფელ საქობოს სკოლის სპეციალური საგანმანათლებლო საჭიროების მქონე მოსწავლეები ექსკურსიაზე იმყოფებოდნენ

სოფელ საქობოს სკოლის სპეციალური საგანმანათლებლო საჭიროების მქონე მოსწავლეები თანაკლასელებთან ერთად, სიღნაღის მუნიციპალიტეტის მერიის და მაჟორიტარი დეპუტატის ბიუროს თანადგომით ექსკურსიაზე იმყოფებოდნენ.

სიღნაღის მუნიციპალიტეტის მერიის ინფორმაციით, აღნიშნული ღონისძიების იდეის ავტორები საქართველოს საპატრიარქოს წმინდა ანდრია პირველწოდებულის სახელობის უნივერსიტეტის სოციალურ მეცნიერებათა ფაკულტეტის სტუდენტები დავით ვეფხვაძე და ლიკა ჟვანია იყვნენ, რომლებიც მულტიდისწიპლინური გუნდის წევრის თამარ ტუხაშვილის შეთავაზებით საქობის სკოლაში მოხალისეებად (სპეც მასწავლებლების დასახმარებლად) იმყოფებოდნენ.

„მუშაობის პროცესში მოსწავლეების მხრიდან გაჩნდა უდიდესი სურვილი გასცდენოდნენ სკოლას და რომელიმე ღირსშესანიშნაობა მოენახულებინათ. სწორედ ამიტომ, მოზარდებმა სოფელ მირზაანში ნიკო ფიროსმანის სახლმუზეუმი და ბოდბის წმინდა ნინოს სახელობის მონასტერი მოინახულეს, სადაც სიღნაღის მუნიციპალიტეტის მერი გიორგი გოგილაშვილი და ბოდბელი ეპისკოპოსი მეუფე იაკობი დახვდათ. მეუფემ ბავშვები დალოცა, ესაუბრა და მათთან სამახსოვო სურათები გადაიღო. მოსწავლეებს შორის იმყოფებოდა ეტლით მოსარგებლე გიორგი დუდაევი, რომელიც დიდი ხანია ოცნებობდა თანაკლასელებთან ერთად მოხვედრილიყო წმინდა ნინოს საფლავზე", - ნათქვამია ინფორმაციაში.

"სპეციალური საგანმანათლებლო საჭიროების მქონე მოსწავლეები მოკლებულნი არიან მსგავს გასვლით ღონისძიებებს, ამიტომ ეს დღე მათთვის დაუვიწყარი და ძალიან საინტერესო იქნება,“ - აღნიშნა მათთან მოხალისედ მყოფმა დავით ვეფხვაძემ.

"სიღნაღის მუნიციპალიტეტის მერმა გიორგი გოგილაშვილმა სკოლის მოსწავლეებს სამომავლოდაც აღუთქვა მხარდაჭერა“, - აღნიშნულია ინფორმაციაში.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა