ციხისძირში, სტალინის უბანში აქციის მონაწილეებთან, რომლებიც სოფელში წყლის მიწოდებას ითხოვს, სოფლის რწმუნებულის გამოჩენას ხმაური მოჰყვა. მოსახლეობამ სოფლის რწმუნებული რუსლან ანთაძე ტყუილში დაადანაშაულა. მათი განცხადებით, წყალი არც გრაფიკით არ მიეწოდებათ.

თავის მხრივ, სოფლის რწმუნებულმა განაცხადა, რომ რეზერვუარებში საკმარისი რაოდენობის წყალი არ არის და ამიტომ მოსახლეობას წყალი შეზღუდვით მიეწოდება.

რუსლან ანთაძის განცხადებით, დამატებითი ჭაბურღილების დასადგმელად მიმდინარე წლის ნოემბერში სამუშაოები განხორციელდება.

შეგახსენებთ, რომ ციხისძირში სტალინის უბანში მცხოვრებლები საპროტესტო აქციას მართავენ. ისინი წყლის მიწოდებას და გზის რეაბილიტაციას ითხოვენ.