საფეხბუთო კლუბ ფოთის ,,კოლხეთი 1913"-ის დირექტორმა ნიკო ჯაშმა თანამდებობა დატოვა. აღნიშნული ინფორმაცია ,,ინტერპრესნიუსს“ გუნდის მედიაოფიცერმა გია ეჯიბიამ დაუდასტურა. მისი თქმით, დროებით ამ პოსტს გუნდის მთავარი მწვრთნელი სოსო ფილია შეითავსებს.

„გუშინ გუნდის ადმინისტრაციის წარმომადგენლების შეხვედრა გაიმართა ფოთის მერთან. საუბრის თემა გუნდის მდგომარეობას და პერსპექტივას შეეხებოდა. ჩვენთვის გაუგებარი მიზეზით, ნიკო ჯაში შეხვედრას არ დასწრებია. დღეს კი შევიტყვეთ ინფორმაცია მისი თანამდებობიდან წასვლის შესახებ, რაც პირადად ჩემთვის მოულოდნელი აღმოჩნდა“, - განაცხადა გია ეჯიბიამ.

ნიკო ჯაში ,,კოლხეთი 1913“-ის დირექტორად მიმდინარე წლის 9 თებერვალს დაინიშნა. გუნდის მწვრთნელი, ფეხბურთელები და გულშემატკივრები რამდენჯერმე შეიკრიბნენ ცენტრალურ სტადიონზე მისი თანმდებობიდან წასვლის მოთხოვნით.