სიღნაღის მუნიციპალიტეტის მერმა ახალი ჭაბურღილის და წყალსადენი ქსელის მოწყობის პროცესი დაათვალიერა

სიღნაღის მუნიციპალიტეტის მერმა გიორგი გოგილაშვილმა სიღნაღში „ნასამხრალის“ ტერიტორიაზე მიმდინარე ახალი ჭაბურღილის და წყალსადენი ქსელის მოწყობის პროცესი დაათვალიერა, -ამის შესახებ „ინტერპრესნიუსს“ სიღნაღის მუნიციპალიტეტიდან აცნობეს.

მათივე ინფორმაციით, ამ დროისთვის ბურღვითი სამუშაოები უკვე დასრულებულია. დარჩენილია ტუმბოს მოწყობისა და ელექტროენერგიის ქსელთან მიერთების ნაწილი, რის შემდეგაც ამოქაჩული წყალი ქალაქს მიეწოდება.

ჭაბურღილის მოწყობა რეგიონალური განვითარების ფონდის ფარგლებში ხორციელდება და მასზე 77 000 ლარი დაიხარჯება.