მომღერალი ზურა ხაჩიძე სამცხე-ჯავახეთის გუბერნატორის მოადგილედ დაინიშნა

მომღერალი ზურა ხაჩიძე, სამცხე-ჯავახეთის გუბერნატორის მოადგილედ დაინიშნა. აღნიშნული ინფორმაცია ზურა ხაჩიძემ „ინტერპრესნიუსს“ დაუდასტურა. მისივე თქმით, დღეიდან შეუდგა უფლებამოსილების განხორციელებას.

მისივე განმარტებით, ის ტურიზმის, კულტურის და საგანმანათლებლო მიმართულებებით იმუშავებს.

2016 წელს ზურა ხაჩიძე „პატრიოტთა ალიანსის" მიერ ბორჯომის მაჟორიტარობის კანდიდატად იყო წარდგენილი.