ბათუმში, წერეთლის ქუჩაზე გარემოვაჭრეები აქციას მართავენ. მათ საკუთარი პროდუქცია წერეთლის ქუჩაზე განათავსეს და ამ ქუჩაზე სავაჭროდ დაბრუნებას ითხოვენ.
გარემოვაჭრეების განცხადებით, ძველი ავტოსადგურის შენობა მათთვის არახელსაყრელია.
ისინი ამბობენ, რომ თუ მერია მათ მოთხოვნას არ დააკმაყოფილებს, ისინი დაშლას არ აპირებენ.
შეგახსენებთ, რომ რამდენიმე თვის წინ წერეთლის ქუჩიდან გარემოვაჭრეები ძველი ავტოსადგურის შენობაში ბათუმის მერიამ გადაიყვანა. ისინი ამ პირობებზე მაშინ თანახმა იყვნენ. ბათუმის მერიამ კი წერეთლის ქუჩაზე, სადაც გარემოვაჭრეები ვაჭრობდნენ, ხეები დარგო.