კახეთის გუბერნატორის, ირაკლი ქადაგიშვილის განცხადებით, ჯერჯერობით უცნობია, რამდენი ადამიანი იმყოფებოდა ავტომობილში, რომელიც თუშეთში სიმაღლიდან გადავარდა. როგორც გუბერნატორმა „ინტერპრესნიუსს“ განუცხადა, ასევე უცნობია ინფორმაცია დაშავებულთა შესახებ.

ამასთან, როგორც ირაკლი ქადაგიშვილმა განმარტა, შემთხვევის ადგილზე იმყოფებიან პოლიციის, სასწრაფო დახმარებისა და სახანძრო- სამაშველო ბრიგადები, თუმცა მათთან დაკავშირება მობილური კავშირის არ არსებობის გამო, ამ დრომდე ვერ ხერხდება.

როგორც "ინტერპრესნიუსს" ახმეტის მერის მოადგილემ, ვანო ნასყიდაშვილმა განუცხადა, ადგილზე უკვე გაემგზავრა ახმეტის მუნიციპალიტეტის მერი.

"სამაშველოდან შემოვიდა შეტყობინება, სავარაუდოდ, ტურისტები არიან გადავარდნილი", - განაცხადა მერის მოადგილემ.