აჭარის მთავრობა - ქობულეთში მდებარე ტექსტილის საწარმოს მასშტაბური რეინვესტირება ხორციელდება

აჭარაში, ქობულეთში მდებარე ტექსტილის საწარმოს მასშტაბური რეინვესტირება ხორციელდება. ამის შესახებ „ინტერპრესნიუსს“ აჭარის ავტონომიური რესპუბლიკის მთავრობის პრესსამსახურიდან აცნობეს.

მათი ინფორმაციით, მთავრობის თავმჯდომარე თორნიკე რიჟვაძემ საწარმოს გაფართოების მიმდინარე სამუშაოები ფინანსთა და ეკონომიკის მინისტრთან, ჯაბა ფუტკარაძესთან ერთად დაათვალიერა.

აჭარის მთავრობის პრესსამსახურის ცნობით, საწარმოს გაფართოებით ინვესტიციის ჯამური მოცულობა 2 მილიონი ლარით გაიზრდება და დამატებით 500 მდე ადამიანის დასაქმება იქნება შესაძლებელი.

როგორც მთავრობის თავმჯდომარემ აღნიშნა, საწარმოს გაფართოება კიდევ ერთხელ მიანიშნებს, რომ ბიზნესის წარმოებისთვის ქვეყანაში და რეგიონში ხელსაყრელი პირობებია შექმნილი.

„დავათვალიერეთ არსებული ტექსტილის საწარმოს გაფართოების სამუშაოები. აქ დამატებით 2 მილიონი ლარის ინვესტიციის განხორციელდება და რაც მთავარია, მუნიციპალიტეტიდან დასაქმდება 500 ადამიანი. მნიშვნელოვანია, რომ ყველა მუნიციპალიტეტში თანაბრად ვითარდებოდეს ეკონომიკა და ჩვენს მოქალაქეებს ჰქონდეთ მეტი შესაძლებლობა დასაქმების თვალსაზრისით. ეკონომიკაზე დგას ჩვენი ქვეყნის და ჩვენი ოჯახების უკეთესი ხვალინდელი დღე,“ - განაცხადა თორნიკე რიჟვაძემ.

ქართული ექსპორტიორი კომპანია შპს „აჭარა ტექსტილი“ 2008 წლიდან საფეიქრო მრეწველობის დარგში მოღვაწეობს და წლების განმავლობაში თანამშრომლობს ისეთ საერთაშორისო კომპანიებთან როგორებიცაა: Nike, Adidas, Puma, Lotto, Erima და ა.შ. აღსანიშნავია, რომ კომპანიას რეგიონში სამი საწარმო აქვს განთავსებული და დასაქმებული ჰყავს საქართველოს 3000 მოქალაქე. სამივე პროექტის ინვესტიციის ჯამური მოცულობა კი 80 000 000 ლარს შეადგენს.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო