თუშეთის გზაზე ავარიის დროს დაშავებული მამაკაცის ჯანმრთელობის მდგომარეობა სტაბილურია
თუშეთის გზაზე გუშინ მომხდარი ავარიის დროს დაშავებული მამაკაცის ჯანმრთელობის მდგომარეობა სტაბილურია. ის საავადმყოფოში მკურნალობას განაგრძობს.
ექიმების ინფორმაციით, 40 წლის მამაკაცს თავის ტვინის მსუბუქი შერყევა და ნეკნების მრავლობითი მოტეხილობა აღენიშნება.
შეგახსენებთ, გუშინ, თუშეთიდან ფშავლის მიმართულებით, 25- ე კილომეტრზე მძღოლმა საჭე ვერ დაიმორჩილა და ათეული მეტრის სიმაღლიდან გადავარდა. ჯიპის მარკის მანქანაში საქართველოს ორი მოქალაქე იმყოფებოდა. ერთი ადამიანი გარდაიცვალა, ერთი კი დაშავდა.
მომხდარზე გამოძიება, სისხლის სამართლის კოდექსის 276-ე მუხლის მე-5 ნაწილით მიმდინარეობს.
იხილეთ ვიდეო: როგორია თუშეთის გზაზე ავარიის დროს დაშავებული მამაკაცის მდგომარეობა?
