ბათუმში ტურისტული სეზონი ოფიციალურად გაიხსნა

2019 წლის საზღვაო სეზონი ოფიციალურად გაიხსნა. საგანგებო სიტუაციების მართვის სამსახურის ინფორმაციით, სეზონის გახსნის ღონისძიებას შინაგან საქმეთა სამინისტროს საგანგებო სიტუაციების მართვის სამსახურის უფროსი თემურ მღებრიშვილი, უფროსის მოადგილე ლევან ღირსიაშვილი, აჭარის მთავრობის თავმჯდომარე თორნიკე რიჟვაძე და საქართველოს ეკონომიკისა და მდგრადი განვითარების მინისტრის მოადგილე ეკატერინე მიქაბაძე ესწრებოდნენ. მათ მაშველებს და დამსწრე სტუმრებს სიტყვით მიმართეს.ღონისძიებაზე, ასევე, წყალზე სამაშველო ღონისძიებებში გამოჩენილი განსაკუთრებული სიმამაცისთვის დაჯილდოვდა 3 მაშველი, რომლებმაც გასულ სეზონზე 350-მდე ადამიანის სიცოცხლის გადარჩენა მოახერხეს.

მაშველებს სიგელები და საჩუქრები გადაეცათ.ღონისძიების დასასრულს, სამსახურის ტექნოლოგიური სიახლის სამაშველო დრონების პრეზენტაცია გაიმართა.გარდა ამისა, შინაგან საქმეთა სამინისტროს საგანგებო სიტუაციების მართვის სამსახური განახლებულ სეზონს სხვა სიახლეებითაც ხვდება.აჭარის ტერიტორიაზე, შავის ზღვის სანაპირო ზოლზე 250-მდე მაშველი იმუშავებს, რაც 50-ით მეტია, ვიდრე წინა სეზონის მაშველთა რაოდენობა იყო.პირველად, შავი ზღვის სანაპირო ზოლზე გოგო მაშველები გამოჩნდებიან.მათი მოვალეობა იქნება პლაჟზე პატრულირება, საჭიროების შემთხვევაში დახმარების გამოძახება, პირველადი სამედიცინო დახმარების აღმოჩენა და გადაუდებელი აუცილებლობის შემთხვევაში უშუალოდ სამაშველო პროცესში ჩართვა.

მაშველები აჭარაში სრულად აითვისებენ შავი ზღვის სანაპირო ზოლს და ევროპული სტანდარტების შესაბამისად იქნებიან აღჭურვილები.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა