ზუგდიდის მუნიციპალიტეტის ტერიტორიაზე საბავშვო მოედნების მოწყობის სამუშაოები დასრულდა. როგორც „ინტერპრესნიუსს“ ზუგდიდის მუნიციპალიტეტის მერიიდან აცნობეს,მოედნების მოწყობის ღირებულება 154499.8 ლარია.

მათი ინფორმაციით, ახალი საბავშვო მოედნები რაფიელ ერისთავის, კონსტანტინე გამსახურდიას, ბუკიას, თამარ მეფისა და ცოტნე დადიანის ქუჩებზე მოეწყო.

დასრულებული სამუშაოები დღეს ზუგდიდის მუნიციპალიტეტის მერმა გიორგი შენგელიამ და ზუგდიდის მუნიციპალიტეტის საკრებულოს თავმჯდომარის მოადგილემ თაზო ფაცაციამ დაათვალიერეს.

პროექტი ატრაქციონებისა და 14 წლიდან ასაკის მომხარებლებისთვის ტრენაჟორების მოწყობას ითვალისწინებს.