ზაზა პაპუაშვილი - როცა ლევან მურუსიძის ინტერვიუებს ვუსმინე, მივხვდი, რომ იმ წნეხის გადატანა, რომლის ქვეშაც ეს ადამიანი აღმოჩნდა, ცოტა რთულია

როდესაც ლევან მურუსიძის ინტერვიუებს ვუსმინე, მივხვდი, რომ იმ წნეხის გადატანა, რომლის ქვეშაც ეს ადამიანი აღმოჩნდა, ცოტა რთულია, - ამის შესახებ საპარლამენტო უმრავლესობის წევრმა ზაზა პაპუაშვილმა „პალიტრანიუსის“ გადაცემაში „7vs1” განაცხადა. ამით პაპუაშვილმა ჟურნალისტების კითხვას უპასუხა, როგორია მისი პოზიცია მოსამართლეების საკითხთან დაკავშირებით.

ასევე კითხვაზე, ჰქონია თუ არა მას ბიძინა ივანიშვილთან კამათი სასამართლო სისტემასთან დაკავშირებით, პაპუაშვილმა უპასუხა, რომ აზრთა სხვადასხვაობა ყოფილა.

„მე ადრე ასე ვფიქრობდი, რომ იმ მოსამართლეებმა, რომლებსაც გახმაურებულ საქმეებში მიუღიათ მონაწილეობა, სულ მცირე მანტია მაინც უნდა გაიხადონ და თანამდებობა დატოვონ. ახლა როგორ არის საქმე: როდესაც ლევან მურუსიძის ინტერვიუებს ვუსმინე, მივხვდი, რომ იმ წნეხის გადატანა, რომლის ქვეშაც ეს ადამიანი აღმოჩნდა, ცოტა რთულია. რა იქნება ხვალ და ზეგ ამაზე პასუხის გაცემა არ შემიძლია. მე, შესაძლოა ადამიანის ქცევა ან ჩანაფიქრი არ მომწონდეს, მაგრამ შემეძლოს მის მიერ ჩადენილი საქციელის ახსნა და იმ ლოგიკის გაგება,“ - განაცხადა ზაზა პაპუაშვილმა.

იხილეთ ვიდეო