გურამ ფალავანდიშვილი - ვაპირებთ აქციას წინ დავუდგეთ კორდონით, შიშველი ხელებით - ჩვენ ვიცავთ კანონს, პოლიცია კი გარყვნილების პროპაგანდას ხელს უწყობს

ჩვენ ვიცავთ კანონს, პოლიცია კი გარყვნილების პროპაგანდას ხელს უწყობს. პოლიცია გამოდის კონსტიტუციის ჩარჩოებიდან, - ამის შესახებ ჟურნალისტებს პოლიციის მთავარ სამმართველოსთან გამოკითხვაზე მისულმა გურამ ფალავანდიშვილმა განუცხადა.

როგორც ის აცხადებს, აქციაზე მისვლას და კორდონის გაკეთებას აპირებენ.

"იმედია, პოლიცია სწორად შეაფასებს, ვინ პატრიოტია, ვინ - კანონმორჩილი და ვინ - საქართველოს მტერი. იმედია, მე მტრებში არ შევდივარ. როდესაც 9 აპრილი იყო და ჩვენ გვარბევდნენ, ხომ იყო კარგი მორაგბეებმა წესრიგი რომ დაიცვეს და კიდევ ბევრი ხალხი არ დაიხოცა? როდესაც სოდომს სახელმწიფო იცავს, იმ ქვეყანამ შეიძლება კანონს გადაამეტოს და შეიძლება უკანონობა ჩაიდინოს, ხალხი ფიზიკურად დახოცოს. ამ შემთხვევაში ჩვენ ვაგროვებთ ბიჭებს, რომლებიც ამ ყველაფერს ფიზიკური ძალით დაიცავენ. რაც შეეხება კომბალს, მე ეს სიტყვა არ მითქვამს. კორდონის გარღვევა გაჟღერდა. აქ იყო ნათქვამი, რომ ჩვენ უნდა დავამყაროთ წესრიგი, სიმშვიდე. თუ პოლიცია გადაამეტებს და ხალხს წიხლებით, ნიჩბებით ცემას დაუწყებს, ჩვენ ერთმანეთს გადავეფარებით. თუ 9 აპრილს მომხდარივით ჩვენს გვამებზე გადაივლიან და მაინც ჩაატარებენ, ათასი მოწამესავით დაგვმარხავენ, მაშინ ძალა მათ მხარესაა. ჩვენი კომპენტეციაა, რომ თუ სამართალდამცველი, ამ შემთხვევაში სამართალდამრღვევი გახდება, ისე დაუწყებს ხალხს ცემას, როგორც 7 ნოემბერს და 26 მაისს, მაშინ ჩვენი იქ დგომით სუსტი ადამიანი უნდა დავიცვათ. ჩვენ ვიცავთ კანონს, პოლიცია კი გარყვნილების პროპაგანდას ხელს უწყობს. პოლიცია გამოდის კონსტიტუციის ჩარჩოებიდან. თუ ეს გარყვნილებაა, მაშინ პოლიციამ ამის პროპაგანდა უნდა აღკვეთოს. ჩვენ ვაპირებთ მათ აქციას წინ დავუდგეთ კორდონით. შიშველი ხელებით ვიდგებით. თუ სახელმწიფო გაბედავს შიშველი ხელებით ხალხის დახოცვას, ეს მის სინდისზე იყოს", - განაცხადა ფალავანდიშვილმა.

ცნობისთვის, ლევან ვასაძის განცხადებებთან დაკავშირებით დაწყებული გამოძიების ფარგლებში თბილისის სამმართველოში კონტრაქციის მონაწილეთა გამოკითხვა მიმდინარეობს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება