თბილისში, პეკინის 11 ნომერში მდებარე "აიპლიუსის" მაღაზია გაძარცვეს. აღნიშნული ინფორმაცია „ინტერპრესნიუსს“ „აიპლუსიდან“ აცნობეს. როგორც მათ მიერ მოწოდებულ ინფორმაციაშია აღნიშნული, მძარცველებმა მაღაზიის წინა ფასადი ჩაამტვრიეს და მაღაზიის ვიტრინაში მდებარე ძვირადღირებული მობილური ტელეფონები წაიღეს.

სამეთვალყურეო კამერის ჩანაწერების მიხედვით, მძარცველები სავარაუდოდ, არასრულწლოვნები იყვნენ.

ამ წუთებში, ადგილზე, გამომძიებლები და ექსპერტ-კრიმინალისტები მუშაობენ.

გავრცელებული ინფორმაციით, რამდენიმე საათის წინ, მოხდა სხვა ტექნიკის მაღაზიების ძარცვაც.

შეგახსენებთ, რომ „აიპლიუსის“ მაღაზია რამდენიმე თვის წინაც გაქურდეს.