„ნიუ ჰოსპიტალსის“ დირექტორის ინფორმაციით, რუსთაველის გამზირზე აქციის დროს დაშავებულმა ორმა ადამიანმა თვალი დაკარგა

„ნიუ ჰოსპიტალსის“ კლინიკური დირექტორის გიორგი კორძახიას ინფორმაციით, მათ კლინიკაში, რუსთაველის გამზირზე აქციაზე დაშავებული 24 ადამიანი შეიყვანეს, საიდანაც 18 მკურნალობას აგრძელებს.

როგორც კორძახიამ ჟურნალისტებს განუცხადა, ორმა ადამიანმა თვალი დაკარგა.

„ღამის საათებში კლინიკაში შემოვიდა 24 პაციენტი. აქედან 6 უკვე გაწერილია ბინაზე. ჩატარდა 6 ოპერაცია. პაციენტების მდგომარეობა არის საშუალო სიმძიმის, სტაბილური. 2 ოპერაცია დასრულდა თვალის ამოღებით. მათ მხედველობა სრულად არ დაუკარგავთ. მხოლოდ იმ თვალზე დაკარგეს, რომელიც ამოვიღეთ. დანარჩენზე მიმდინარეობს კვლევები და დაკვირვება. პაციენტების გაწერა დამოკიდებული იქნება მათ მდგომარეობაზე. დავაკვირდებით და მოგვიანებით მოგახსენებთ.

თვალის დაზიანებები მიყენებული იყი უცხო სხეულით. დანარჩენი საჭიროებს საექსპერტო დასკვნას",- განაცხადა კორძახიამ.

რაც შეეხება სხვა დაზიანებებს, ექიმის ინფორმაციით, პაციენტებს ასევე აღენიშნებათ ბლაგვი საგნით მიყენებული დაზიანებები, ასევე არის ჭრილობები.

მისივე ინფორმაციით, ინტოქსიკაციის დიაგნოზით „ნიუს ჰოსპიტალსში“ არავინ შეუყვანიათ.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის