თბილისი-რუსთავის ავტომაგისტრალზე სამგზავრო მიკროავტობუსი ავარიაში მოჰყვა, 10-მდე ადამიანი დაშავდა
თბილისი-რუსთავის ავტომაგისტრალზე, კომპანია ,,ინტერტრანსის" კუთვნილი სამგზავრო მიკროავტობუსი ავტოსაგზაო შემთხვევაში მოჰყვა. არსებული ინფორმაციით, მიკროავტობუსი ,,ლექსუსის" მარკის ავტომანქანას შეეჯახა, გზის სავალი ნაწილიდან გადავიდა და შემდეგ ჯებირს დაეჯახა. მიკროავტობუსი რუსთავი-თბილისის რეისს ასრულებდა.
როგორც ,,ინტერპრესნიუსს" შსს-ში განუცხადეს, შემთხვევის შედეგად 10-მდე ადამიანი დაშავდა, ისინი ნაკლებად მძიმე დაზიანებებით თბილისის სხვადასხვა კლინიკებში არიან გადაყვანილი. მომხდარზე სისხლის სამმართლის საქმე 276-ე მუხლის მეორე ნაწილითაა აღძრული. ავტოსაგზაო შემთხევის გამო მაგისტრალზე ტრანსპორტის მოძრაობა დროებით შეწყვეტილი იყო.
