ქუთაისის ქუჩებში აქცია-პერფორმანსი „დაუსიგნალე გახარიას“ მიმდინარეობს. ახალგაზრდები ავტომობილების სიგნალებით ქალაქის ქუჩებში მსვლელობას აწყობენ და შინაგან საქმეთა მინისტრის გადადგომას და თბილისში, რუსთაველის გამზირზე აქციაზე დაკავებულების გათავისუფლებას მოითხოვენ.

"მოთხოვნების ნაწილი შესრულდა, თუმცა არ შესრულდა მთავარი - შინაგან საქმეთა მინისტრის გიორგი გახარიას გადადგომა და აქციაზე დაკავებულების გამოშვება. ამიტომ აქცია გრძელდება, ვიდრე არ დააკმაყოფილებენ ამ მოთხოვნებს. დღეს ავტომობილებით ვაწყობთ მსვლელობას და სიგნალებით მოვუწოდებთ გახარიას გადადგომისკენ. მთავრობა ვაიძულეთ პროპორციულ საარჩევნო სისტემაზე გადასულიყო და ამასაც მოვახერხებთ", -აცხადებენ აქციის მონაწილეები.

მსვლელობის შემდეგ აქცია მესხიშვილის თეატრთან გაგრძელდება