20-21 ივნისს განვითარებული მოვლენებისას დაკავებული 51 პირის პატიმრობიდან გათავისუფლებასთან დაკავშირებით, საქალაქო სასამართლოში ბრიფინგი გაიმართა

რუსთაველის გამზირზე, 20-21 ივნისს განვითარებული მოვლენებისას დაკავებული და ადმინისტრაციულ პატიმრობაში მყოფი 51 პირის პატიმრობიდან გათავისუფლებასთან დაკავშირებით, თბილისის საქალაქო სასამართლოში ბრიფინგი გაიმართა.

როგორც ჟურნალისტებს სპიკერ მოსამართლემ დიანა ფარქოსაძემ განუცხადა, სასამართლომ ყველა პირის საქმე ინდივიდუალურად განიხილა.

„2019 წლის 25 ივნისს, თბილისის საქალაქო სასამართლოს ადმინისტრაციულ საქმეთა კოლეგიამ განიხილა და დააკმაყოფილა საქართველოს პროკურატურის პროტესტები, რომლის თანახმადაც, ამა წლის 21 ივნისს ადმინისტრაციული სამართალდარღვევისათვის შეფარდებული სახდელის ზომა - პატიმრობის ვადა 51 პირის მიმართ შეიცვალა და შემცირდა. თბილისის საქალაქო სასამართლოს მოსამართლეთა დადგენილებების საფუძველზე, 51 პირი დაუყოვნებლივ გათავისუფლდა ადმინისტრაციული პატიმრობიდან.

აქვე გაცნობებთ, რომ თბილისის საქალაქო სასამართლოს ადმინისტრაციულ საქმეთა კოლეგიაში, 2019 წლის 21 ივნისს განხილულ იქნა ადმინისტრაციული სამართალდარღვევის საქმეები. რიგ შემთხვევებში, სასამართლომ გამოიყენა ადმინისტრაციული პატიმრობა, რიგ შემთხვევებში გამოყენებული იქნა ჯარიმა, ხოლო რიგ შემთხვევებში გამოყენებული იქნა სიტყვიერი შენიშვნა. ნაწილი საქმეები გადადებული იქნა სხვა დროისთვის მხარეთა შუამდგომლობების საფუძველზე მტკიცებულებების მოპოვების მიზნით.

სასამართლოს ხელთ არსებულ ინფორმაციაზე დაყრდნობით, მოგაწვდით ინფორმაციას. სასამართლომ 51 პირის მიმართ განიხილა პროტესტი, ყველა შემთხვევაში დაკმაყოფილდა და სახდელის ზომა 51 პირის მიმართ შემცირდა.

ჩემს ხელთ არსებული ინფორმაციით, 61-მა პირმა მიმართა საჩივრით თბილისის სააპელაციო სასამართლოს, თბილისის სააპელაციო სასამართლომ იმსჯელა ამ პირების საჩივართან დაკავშირებით და მიიღო გადაწყვეტილებები. მოცემულ შემთხვევაში 51 პირის მიმართ იქნა წარმოდგენილი პროტესტი", - განაცხადა ფარქოსაძემ.

მან ასევე უპასუხა ბრალდებას იმასთან დაკავშირებით, რომ სასამართლო თითქოს კონვეირული წესით განიხილავდა საქმეებს.

"21 ივნისს, სასამართლომ ყველა პირის მიმართ საკითხი განიხილა ინდივიდუალურად, საქმეში არსებული მასალების საფუძველზე, ყველა პირს მოუსმინა, საქმე განხილული იქნა ზეპირი მოსმენით და ამის შესაბამისად მიიღო გადაწყვეტილება. კონკრეტულად რას ეყრდნობა სასამართლოს მიერ მიღებული დადგენილებები, ეს ასახული არის დადგენილებებში”, - განაცხადა ფარქოსაძემ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად