სოფელ ჭუბერში 7 ივნისის სტიქიის დროს დაზიანებული ხიდის მშენებლობა სამ დღეში დასრულდება

მესტიის მუნიციპალიტეტის სოფელ ჭუბერში 7 ივნისის სტიქიის დროს დაზიანებული ტიტა-პაპალარას ხიდის მშენებლობა სამ დღეში დასრულდება, - ამის შესახებ "ინტერპრესნიუსს" „ქართული სამშენებლო კონსორციუმის“ შრომის უსაფრთხოების მენეჯერმა გიორგი ჩალათაშვილმა განუცხადა.

სწორედ "ქართული სამშენებლო კონსორციუმია“ სვანეთში "ნენსკრა ჰესის" საპროექტო კომპანია სს " ნენსკრა ჰიდროს" სამშენებლო სუბკონტრაქტორი, რომელიც სვანეთში გასული წლის 5 ივლისს, ასევე მიმდინარე წლის 7 ივნისის წყალდიდობის შედეგად დაზიანებული გზისა და ხიდების რეაბილიტაციას ახორციელებს.

როგორც გიორგი ჩალათაშვილი "ინტერპრესნიუსთან" საუბრისას აცხადებს, 7 ივნისს მდინარე ნენსკრას შენაკადის-დევრულას ადიდების შედეგად წაღებული, სოფლების ტიტა- პაპალარას ხიდის მშენებლობის სამუშაოები,რომელიც სოფელ ტიტასა და ოკრილს აკავშირებს, ინტენსიურად მიმდინარეობს და მოსახლეობა,ასევე კომპანიის ტექნიკა ხიდით სარგებლობას სამ დღეში შეძლებს.

"დროებითია ხიდი, რომელიც აქ იყო, ჩვენმა კომპანიამ ააშენა 2015 წელს. 7 ივნისს მდინარის დონემ მაქსიმალურად მოიმატა, ამიტომ ბურჯებმა ვეღარ გაუძლო. ახლა ეს ხიდი შენდება იმის გათვალისწინებით, რომ მდინარის მსგავს ადიდებას გაუძლოს. ხიდის მშენებლობის სამუშაოები 3 დღეში დასრულდება,"-განაცხადა გიორგი ჩალათაშვილმა.

შეგახსენებთ, რომ ძლიერი წვიმის შედეგად მიმდინარე წლის 7 ივნისს მესტიის მუნიციპალიტეტის სოფელ ჭუბერში მდინარე ნენსკრას შენაკადი – დევრულა ადიდდა, რამაც გზისა და ხიდის დაზიანება გამოიწვია.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს