სიღნაღში სასმელი წყლის მოთხოვნით აქცია გაიმართა

სიღნაღის მუნიციპალიტეტში აქცია გაიმართა. სოფელ ანაგის მოსახლეობის ნაწილი სასმელი წყლის მოთხოვნით სოფლის ცენტრში შეიკრიბა.

მათი განცხადებით, თვეზე მეტია სასმელი წყალი არ მიეწოდებათ, რის გამოც მათ წყლის აღება მეზობელი სოფლიდან უწევთ.

ადგილობრივები ფიქრობენ, რომ წყლის ნაკლებობის მიზეზი რამდენიმე ოჯახის მიერ სამელიორაციო სისტემაზე უკანონო მიერთებებია, რამაც სოფელში წყლის დეფიციტი გამოიწვია.

მოსახლეობის პრობლემებს ადგილზე გაეცნო სიღნაღის ვიცე-მერი. მადონა ბატიაშვილი ადგილობრივებს ვითარების შესწავლას და პრობლემის უახლოეს პერიოდში მოგვარებას დაპირდა.