მოშიმშილე აქტივისტი მინდია ადაძე ფოთის ჰოსპიტალიდან გაწერეს და ის შეკვეთილში, ივანიშვილის სახლის მიმდებარედ მიმდინარე შიმშილობის აქციას შეუერთდა

მოშიმშილე აქტივისტი მინდია ადაძე ფოთის ჰოსპიტალიდან გაწერეს და ის შეკვეთილში, ბიძინა ივანიშვილის სახლის მიმდებარე ტერიტორიაზე მიმდინარე შიმშილობის აქციას კვლავ შეუერთდა. მისი თქმით, მედიკოსებმა მას შიმშილობის შეწყვეტა ურჩიეს.

„ექიმებმა შიმშილობის შეწყვეტა მირჩიეს, მაგრამ არ ვაპირებ. აქ ვიქნები ორ მეგობართან ერთად, ვიდრე ჩვენი მოთხოვნა არ შესრულდება“, - განუცხადა „ინტერპრესნიუსს“ მოშიმშილე აქტივისტმა, მინდია ადაძემ.

შეგახსენებთ, მინდია ადაძე შეუძლოდ გუშინ გახდა, რის გამოც სასწრაფო დახმარების ბრიგადამ ის კლინიკაში გადაიყვანა, სადაც შესაბამისი კვლევები ჩაუტარდა.

შეკვეთილში სამი პირი მე-7 დღეა შიმშილობს. მათ კარვები აქვთ გაშლილი. ისინი თბილისში მიმდინარე აქციას უერთდებიან და შინაგან საქმეთა მინისტრის, გიორგი გახარიას გადადგომას მოითხოვენ.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს