მსჯელობის ერთ-ერთი თემა საარჩევნო ბარიერს უნდა შეეხოს. ყველა საერთაშორისო ორგანიზაციის, მათ შორის ვენეციის კიმისიის რეკომენდაცია იყო, რომ ქვეყანაში მცირე ბარიერი არსებობდეს, - ამის შესახებ „ნაციონალური მოძრაობის" წევრმა სალომე სამადაშვილმა ჟურნალისტებს განუცხადა. დეპუტატი ფიქრობს, რომ კონსტიტუციის ცვლილებაზე მსჯელობის დროს შესაბამისი არგუმენტები უნდა დასახელდეს.

„როცა კონსტიტუციის ცვლილებაზე მსჯელობა იქნება, არგუმენტაცია უნდა მოვისმინოთ, საერთაშორისო ორგანიზაციებისა და ვენეციის კომისიის, რა ლოგიკაა ამის უკან - სამართლებრივი თუ პოლიტიკური. ეს არის უფრო მნიშვნელოვანი, თუმცა ის, რომ ნულოვანი ბარიერი შემოვიღოთ და ავკრძალოთ ბლოკებად გაერთიანება, ეს ხელს კიდევ უფრო შეუწყობს პოლიტიკური სპექტრის დანაწევრებას. ამან შესაძლოა, გამოიწვიოს პოლიტიკურ პროცესში ქაოსი, რაც ბიძინა ივანიშვილს ძალაუფლების შენარჩუნებაში არ დაეხმარება, შეიძლება პოლიტიკური პროცესი უმართავი გახადოს",-აცხადებს სამადაშვილი.